فن و ثقافة

زجل…”كنا خوت”

صدى24

كنا خوت

وكلشي يمشي ويبقى

لافوت

وانت درتي العيب

ما صلحتي الجرة

وخليتي الفرصة تفوت

تدعيتي بالقوة

ونسيتي بلي اخرتها

موت

كنا خوت

وتشركنا الحلوة والمرة

وانت طبعك قاسي وبغيتي

لي المضرة

كيف نامن ليك وظائف فيك

مرة أخرى

باين عليك فنان

وعندك مع الهضرة

وحلاوة اللسان

وساعة الشدة ما لقيتك

ولا بغيتي تبان

خنتي العشرة والملح

وما بغيتيني نكون فرحان

وعلى البلاء نكون في امان

مازال ليام تتبدل والحالة

تزيان

اليوم لي وغذا عليك

وانا اللي كنت داير فيك

الثقة

ومعتامد عليك

ياك كنا خوت

وقلت ما تفرقنا غير

الموت

صار بيناتنا لا فوت

وكلشي يفوت

ويبقى لا فوت

وحتى حاجة ما تنجيك

من الموت

لا صحاب لا ولاد لا مال

ولا خوت

كلمات… خالد فولان.

الوسوم

اترك تعليقاً

لن يتم نشر عنوان بريدك الإلكتروني.

مقالات ذات صلة

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock