صدى24 – ذ. جمال مستكفي
كيف العشرة تنساها. مللي خلاقيتي حتى ربي منك داها
كيف العشرة تنساها. وهي الميمة اللي مغطي نتا برضاها
كيف العشرة تنساها. وهي سماتك لي تنفستي من هواها
سمحي ليا، مي، إيلا قلتي ليا دير وجاوبتك أنايا لواه
سمحي ليا، مي، إيلا غضبتي مني وانايا ما عارف علاه
سمحي ليا على دمعة و الدمعة من دمعاتك تسوا لمياه
محال الخاطر ينساك محال من عيني صورتك تمحا
القلب هايم ف هواك جرحو سايل حيث نام ونصحا
دعايا ليك يامي . . يكون قبرك روضات وسط الجنان
دعايا ليك يامي . . يكون غطاك مغفرة من عد المنان
دعايا ليك يامي . . يكون مقامك جنب أحمد العدنان
ياربي.. يمن لميمة الكتاب
ياربي.. يسر لميمة لحساب
ويخلي مقامها بجوار الحبيب
بوفاطمة مول الكتاب
25 أكتوبر 2022
