فن و ثقافة

زجل.. إلا دار الزمان

صدى 24

الا دار الزمان

تسدو في وجهك البيبان

وتليتي في ايد شي قومان

غير قول على راسك يا رحيم

ويا رحمان

بنادم ملي يعرفك محتاج

ما يخسر عليك حتى ميساج

يخليك ويسمح فيك عند الفيراج

الا دار عليك الزمان

بنادم يبعك بالرخيص وانت

تشري بالغلا

يضحك عليك ويتفلى
.
يخليك في همك تتقلى

الا دار الزمان

بنادم يتسنى رجلك تغيس

مامسوق ليك ولا بيك حاس

موحال واش يفيق ليك من

النعاس

الا دار الزمان

هز كفوفك السماء

طلب الله مول الحكمة

ما تنكر الخير والنعمة

وما تفارقك البسمة

وصدق القول والكلمة

الا دار الزمان

والحق ما تلى بأن

خليك صادق وفي المعاملة

كون انسان

وما تيق الا دار الزمان

كلمات خالد فولان.

الوسوم

اترك تعليقاً

لن يتم نشر عنوان بريدك الإلكتروني.

مقالات ذات صلة

زر الذهاب إلى الأعلى
إغلاق

أنت تستخدم إضافة Adblock

برجاء دعمنا عن طريق تعطيل إضافة Adblock