صدى24
ما لقيتو غير الڤار باش تغلبو السبوعا
ما لقيتو غا الخبث باش تطيحو لعلام
حنا كتبنا تاريخ جديد ورايتنا مرفوعة
و نتوما رباحكم ملغوم أو آصلو حكام
لاعبتونا وعيونكم عالڤار يعدم لمسار
تسنيتو تجيكم فرصة في هاذ لمسير
ما لقيتوش لفرصة من أسودنا لحرار
خلقتوها بغض البصر و سوء التقدير
ضربة الجزاء جوج ظاهرة بلا منظار
لكن الحكم گال ما كاين والو غا سير
هاذشي ماهواش غريب عدوك الناس
هاذشي عادة، وسبابو قادة في العالم
حسن تديرو كاس لحباب مول لكاس
عيشو نتوما وحنا غرقونا ف الأحلام
درتوها ف روسيا وگلنا غا سير
و درتوها ثاني لينا ف عقر الدار
حنا عطيناكم القيم وحب الغير
ونتوما جبتو لينا غالمدلة والعار
جمال مستكفي
14 دجنبر 2022
