صدى24
ذ. جمال مستكفي _ 06 غشت 2022
يا صاح .. مال صحاب الحال صارو ضلعة عوجة
يا صاح .. حرام الضرغام يولي فالغابة ذي نعجة
يا صاح .. را الشعب ماهو مرتاح
واخا الجراح .. حتى ليوما باقي ما طاح
ومول المال اجتاح .. وضر عامل و فلاح
و ظل يغني وحدو تاغنجة
ومالك شايف الهاشتاگ وتقول هي غير ضصارة
ومالك شايف العطشى وتقول السما باقا مطارة
حتال إيمتا هاذ النفس العوجة دايرة فك ما بغات
حتال إيمتا تبقى هاكا بايع راسك رخيص
حتال إيمتا تبقى عافس عل لقيام عفيس
حتال إيمتا .. تبقى شمتا
ضحكة للغادي حيث يروح
حتال إيمتا .. تبقى نتا نكتا
تبقى نتا ضاحك .. والباقي كلو مجروح
تعيش نتا هاني .. والأمة تبقى للعدا فرجة
عا حتال لقريب .. ونتا كنتي عاطي راسك الشان
عا حتال لقريب .. ونتا مكانك واخدو ف لميدان
آش طرا حتى خشيتي راسك ف الحملة
وثيقتي الفساد ماشي ممنوع
والمال بلا شرع ماشي متبوع
ضنيتيها غير غمامة .. غمامة للشتا علامة
واخا جرح الأمة باقي مفتوح
قبلتي تكون عوج وقلتي لهاذ للأمة
يا بتي مالكي عوجة
