صدى24- جمال مستكفي
10 غشت 2022
العيون من لبكا حبسات
والسما من مياها جفات
والأرض رغات رغاها
كتحصر عليام الزينة وتعد
الأمة لگاع القيام جلات
وضرات تاريخها ونسات
والناس غادة ف بلاها
شكون هو اللي ضر هاذ الكون
شكون اللي سمو ما بغا يتحد
واش اللومة على هاذ لأرض
اللي منها زمان كلشي يجبد
واش اللومة على ذاك الواد
اللي جفت مياهو باش يورد
ولا اللومة ديما على ذيك السما
اللي ياما شتاها صبت بلا حد
علامن اللومة
واش اللومة على واحد منا ظالم
ولا اللومة على ذاك اللي منا ناقم
اللومة على شكون ف هاذ الكون
ويمتا نديرو بمرة لهاذ الشي حد
إيلا بغيتو السما ترجع تسقينا
و بغيتو الارض تحيا وتعطينا
خاص كلشي من دخالو يجبد
إيلا حنا كلنا للدين ولينا
ويلا ملهبال هذي سالينا
ما زال تفرح السما بينا .. و ماها يعود غدا ويروينا
ومازال غدا ترفع الهمة .. والكلمة واللمة ترجع لينا
وخيرنا من بعد .. غادي يزيد بلا حد
