صدى24- خالد فولان
هشام غدروه في
الظلام
اش دار هشام
غدروه بلا رحمة
قتلوه وحرقوه
في الظلام
ولاد الحرام
بلا رحمة ولا شفقة
داروا ليه ديك
الحرقة
خلاو ميمتو مكلومة
من بعد اليوم
خاصماتها الضحكة
والبسمة
قتلوه وبلا رحمة
اخبار واش من
اخبار
ملي سمعوها اهل
الدار
هشام معروف عند
الناس
يدوز يحييهم
ويقول لاباس
عرفتو عن قرب
يضحك ما يعرف
عيب
مشيتي يا رفيقي
يا صديقي
خليني القلب حزين
وكلو هم
مشى خليلي
وطوال علي ليلي
مشى الولد الزين
والناس دموعها كبة
من العين
موحال واش العقل
ينساك
اش ندير
ما عندي ندير
انت عزيز
وربي اعز
منك
لحقات وقيتك
الله ميمتك
بوك
واخوتك
مراتك
ووليداتك
مشى زين الشبان
الولد الاسمر
توسدتي التراب
ومتواك القبر.
