كريان سنطرال
غتبقى ديما في
البال
فيه عرفنا الرجال
فين بأن شحال
من رياضي فنان
ورجال
كريان سنطرال
حي المقاومين
والأبطال
نبكي على فراقك اومازال
باقي في الحال
كريان سنطرال
يدعوا فين شلة
اجيال
فيه تخلقو مبدعين
رياضيين
مثقفين
سياسيين
وشحال من ناس
منسيين
كريان سنطرال
فين كاع الرجال
فين با زروال
وفين الفوال
فين دنان
السي لحسن
وفين السي ابراهيم داك
الانسان
فين وفين وفين
فين الاسمر كمراد
با الرداد
وفين با عبدالقادر جارنا
الصياد
شحال من واحد
من بيناتنا مشى
وزاد
فين با البهجة
مول الروس
ووليداتو سبعة النفوس
كريان سنطرال
يا الخوت
ماتنسيني فيه غير
الموت
فين مول النخال
ولحسن مول الحانوت
وفين كاع دوك الناس
اللي خطفاتهم الموت
كريان سنطرال
مازال عليه ما يتقال
وما يحيد من البال
وخا تبدل فيه الحال
كلمات… خالد فولان.
